ცნობილმა ბრიტანულმა გამოცემამ, The Guardian-მა 2001 წელს დაბადებულ ფეხბურთელებში 60 საუკეთესო ტალანტი გამოარჩია და მათ შორის, “ლოკომოტივის” შემტევი, ზურიკო დავითაშვილი და “რუსთავის” თავდამსხმელი, ხვიჩა კვარაცხელია მოხვდა.
ხვიჩა და ზურიკო თბილისის “დინამოს” აკადემიაში იწყებდნენ კარიერას, თუმცა დღეს ეროვნულ ლიგაში ასპარეზობენ და ჩემპიონატის ერთ-ერთი ყველაზე ახალგაზრდა ფეხბურთელები არიან.
დავითაშვილი საქართველოდან წასვლას ჯერჯერობით არ აპირებს, კვარაცხელიათი, უცხოურ პრესაში გავრცელებული ცნობით, “ბაიერნი” და სერია A-ს რამდენიმე გუნდი იყო დაინტერესებული.
ჩვენებურების გარდა მსოფლიო ტალანტებს შორის ლილიან ტურამის შვილი, ხეფრენ ტურამი, “რეალის” ბრაზილიელი როდრიგო და “ხორვატი ნეიმარიც” მოხვდნენ.
