დღეს, 23 ივლისს, შვეიცარიის ქალაქ ნიონში უეფას ევროპის ლიგის მესამე საკვალიფიკაციო ეტაპის წილისყრა გაიმართა.
გაირკვა, რომ ქუთაისის “ტორპედოსა” და “ვიკინგურს” შორის გამარჯვებული მესამე ეტაპზე ალბანურ “კუკეშსა” და აზერბაიჯანულ “ყარაბაღს” შორის დამარცხებულს შეხვდება. უკანასკნელი წყვილი ამჟამად ჩემპიონთა ლიგის საკვალიფიკაციო ეტაპზე მონაწილეობს.
შეგახსენებთ, რომ “ტორპედო” ჩემპიონთა ლიგის პირველ საკვალიფიკაციო ეტაპზე მოლდოვურ “შერიფთან” დამარცხდა, რის შემდეგაც ევროპის ლიგაზე გადაერთო.
