საფეხბურთო კლუბ “სამტრედიას” მთავარი მწვრთნელის პოსტზე უჩა სოსიაშვილი დაინიშნა. გუნდმა 28 წლის სპეციალისტის ხელმძღვანელობით პირველი ვარჯიში დღეს გამართა.
უჩა სოსიაშვილისთვის “სამტრედია” უცხო არ არის. იგი იმერულ გუნდს 2013 წელს თავკაცობდა.
შეგახსენებთ, რომ უჩა სოსიაშვილის მიერ დამოძღვრილმა გორის “დილამ” 2014-2015 წლების სეზონში საქართველოს ჩემპიონატი მოიგო.
“სამტრედიას” მთავარი მწვრთნელის პოსტი ვაკანტური გუშინ, მას შემდეგ გახდა, რაც კლუბსა და გია ცეცაძეს შორის კონტრაქტი ურთიერთშეთანხმების საფუძველზე გაწყდა.