ბერძნული პაოკ-ის მთავარმა მწვრთნელმა, ვლადიმირ ივიჩმა ევროპის ლიგის ფლეი-ოფის წილისყრის შემდეგ განცხადება გააკეთა.
შეგახსენებთ, რომ დღეს შვეიცარიის ქალაქ ნიონში გაირკვა, რომ თბილისის “დინამო” ევროპის ლიგის ჯგუფში მოსახვედრად სწორედ პაოკ-ს დაუპირისპირდება.
“ვფიქრობ, ჩვენთვის წილისყრა კარგად დასრულდა, რადგან შესაძლებელი იყო, უფრო რთული მეტოქე შეგვხვედროდა. ჩვენი მიზანი ევროპის ლიგის ჯგუფურ ეტაპზე თამაშია, ამისათვის კი ყველაფერს გავაკეთებთ.
თბილისის “დინამო” საქართველოს ჩემპიონია. ჩვენ ყველა მეტოქეს დიდ პატივს ვცემთ. პაოკ-ისათვის ჯგუფურ ეტაპზე თამაში ძალიან მნიშნველოვანია”, – ციტირებს 39 წლის სპეციალისტის სიტყვებს კლუბის ოფიციალური ვებ-გვერდი.