“დესნამ”ლუკა კობერიძე დაიმატა

ლანჩხუთის “გურიას” საყრდენი ნახევარმცველი ლუკა კობერიძე კარიერას უკრაინაში გააგრძელებს. 21 წლის ფეხბურთელი ჩერნიგოვის “დესნაში” ჩაირიცხა.

მხარეებს შორის გაფორმებული შრომითი ხელშეკრულება 2018 წლის ზამთრამდე იქნება ძალაში.

ლუკა კობერიძე “დესნას” რიგებში 13-ნომრიანი მაისურით ითამაშებს.

ჩერნიგოვის “დესნა” უკრაინის პირველ ლიგაში თამაშობს და გათამაშების მე-18 ტურის თავზე სატურნირო ცხრილში მე-11 პოზიცია უკავია. კობერიძემ საქართველოს ჩემპიონატის უმაღლესი ლიგის მიმდინარე გათამაშებაში 13 მატჩი ჩაატარა.