გუშინ, საქართველოს დავით ყიფიანის სახელობის თასის ფინალი გაიმართა. თბილისის “დინამომ” “სამტრედია” გამანადგურებელი ანგარიშით, 5-0 დაამარცხა.
მატჩის შემდეგ, “დინამოელთა” ამჟამინდელ კაპიტანს, ლაშა თოთაძეს Fanebi.Com გაესაუბრა.
“ამ მოგებას პირველ რიგში გლადიატორებს ვუძღვნით. ეს ყველაზე მეტად დაიმსახურეს. ისინი მთელი სეზონის განმავლობაში გვერდში ძალიან გულიანად გვედგნენ. მათი მხრიდან ერთი კრიტიკა არ ყოფილა, მიუხედავად იმისა, რომ ჩვენ ამას ვიმსახურებდით. რაც შეეხება თამაშს, სასიხარულოა, რომ დამაჯერებლად მოვიგეთ და “დინამომ” წელი უტიტულოდ არ დაასრულა. მადლობა ყველა ფეხბურთელს. ბიჭებმა ყველაფერი გააკეთეს, რომ თასი ჩვენთან დარჩენილიყო”.