„დილა“ საპასუხო მატჩის ჩასატარებლად ოლბორგში გაემგზავრა

FCDila.GE

22 ივლისს გამთენიისას „დილა“ საპასუხო მტჩისთვის დანიაში, კერძოდ კი ქ. ოლბორგში გაემგზავრა. მოგეხსენებათ, პირველი მატჩი თბილისში „დილას“ გამარჯვებით 3:0 დასრულდა. საპასუხო შეხვედრა ქ. ოლბორგში სტადიონ „ნორდისკე არენაზე“ ჩვენი დროით 22:15 წთ.-ზე შედგება.

გუნდი ქალაქის მახლობლად მდებარე სასტუმრო „Comwell Rebild Bakker”-ში დაბინავდა.

დანიაში მატჩს პოლონელ მსაჯთა ბრიგადა მოემსახურება. მთავარი არბიტრი რობერტ მალეკი იქნება.

გიორგი დევდარიანმა განმეორებითი მატჩისთვის შემდეგი ფეხბურთელები იახლა:

რევიშვილი, შეყრილაძე, ალადაშვილი, გურული, თომაშვილი, ხიზანეიშვილი, ღონღაძე, სადაღაშვილი, კობახიძე, გვალია, გაბარაევი, ბოლქვაძე, დოლიძე, გორელიშვილი, აბურჯანია, ილურიძე, მოდებაძე, ალექსიძე.

გამგზავრების წინ მთავარ მწვრთნელს და რამოდენიმე ფეხბურთელს მომავალ მატჩთან დაკავშირებით, ჩვენი ვებ-გვერდისთვის მცირე კომენტარი ჩამოვართვით:

გიორგი დევდარიანი: „მომავალ დაპირისპირებაში ველოდებით ბრძოლას. ვიცით რომ შეგვიტევენ, ექნებათ გულშემატკივართა მხრიდან მხარდაჭერა და ამისთვის ჩვენ მზად ვართ.“

ნუკრი რევიშვილი: „თბილისის მატჩთან განსხვავებით აბსოლუტურად სხვა დაპირისპირება გველის. წარმომიდგენია როგორ შემოგვიტევენ პირველივე წუთებიდან. საწყის წუთებში უნდა შევინარჩუნოთ სიმშვიდე და ვფიქრობ, ჩვენთვის ყველაფერი კარგად დასრულდება.“

კახაბერ ალადაშვილი: „ძალიან რთული თამაში გველოდება და ყველაფერს გავაკეთებთ რომ მომდევნო ეტაპზე გავიდეთ. პირველი თამაშის შედეგიდან გამომდინარე აუცილებლად უნდა დავძლიოთ ეს ბარიერი.“

გიორგი გურული: „იქ აბსოლუტურად სხვა თამაშს ველით. პირველი შეხვედრის ანგარიში რათქმაუნდა მისაღებია, მაგრამ იქაც ისეთი მობილიზებით გვმართებს მატჩის ჩატარება, როგორც თბილისურ დაპირისპირებაში ვაჩვენეთ. ვფიქრობთ, დასახულ ამოცანას მივაღწევთ“

FCDila.GE