თურქულ შეკრებაზე მყოფმა ქობულეთის “შუქურამ” პირველი ამხანაგური შეხვედრა ჩაატარა. კონსტანტინე ფროლოვის გუნდი მაკედონიურ “შკენდიასთან” მინიმალური სხვაობით, 1:2 დამარცხდა.
უგოლო პირველი ტაიმის შემდეგ ანგარიში 55-ე წუთზე მაკედონიური გუნდის ფეხბურთელმა გახსნა. მართალია, 73-ზე ქობულეთელებმა შეცვლაზე შესული ტუღუშის გოლით გაათანაბრეს, მაგრამ სულ რაღაც ორ წუთში “შკენდიამ” კიდევ ერთხელ გაიტანა და მატჩის მოგებაც შეძლო.
“შუქურას” სასტარტო შემადგენლობა ასეთი გახლდათ: ჯიოევი, ტვილდიანი (კ), ხოჭოლავა, ორაზიევი, გურული, კუჭაიძე, კახა მჟავანაძე, გიორგი ჩელებაძე, ხუჭუა, თუხარელი, მეტრეველი.