დღეს, საღამოს, ქუთაისის „ტორპედო“ ორკვირიანი მოსამზადებელი ეტაპის გასავლელად თურქეთისკენ აიღებს გეზს. ქართული დელეგაცია, რომელიც 35 წევრისგან შედგება, ტრაბზონში ავტობუსით გაემგზავრება, ხოლო იქიდან ჯერ სტამბულში, შემდეგ კი ანტალიაში – თვითმფრინავით და კურორტ ბელეკში მდებარე სასტუმრო “Atlantis”-ში დაბინავდება.
გაგაცნობთ თურქულ შეკრებაზე წამსვლელ ფეხბურთელთა სიას:
მეკარეები: ბექა შეყრილაძე, ლევან ტყეშელაშვილი
მცველები: გურამ ადამაძე, ზაზა ჭელიძე, თენგიზ ჩიკვილაძე, ბაქარ მირცხულავა, ბექა ბანძელაძე, საბა ადამაშვილი, მიხეილ მახვილაძე, გივი იოსელიანი
ნახევარმცველები: ლაშა ქებაძე, ნიკო კვასხვაძე, შოთა ბაბუნაშვილი, გოგი გოგიჩაიშვილი, ირაკლი კლიმიაშვილი, ოლეგ მამასახლისი, დავით კირკიტაძე
თავდამსხმელები: ოთარ კვერნაძე, ბექა ტუღუში, ზურაბ ხურციძე, ბუდუ ზივზივაძე, ვახტანგ კვარაცხელია, ნიკა საბანაძე.
როგორც ზემოდანაც ჩანს, ჩვენს გუნდში კიდევ ერთი ახალწვეულია – 24 წლის მარჯვენა მცველი გივი იოსელიანი „ტორპედოში“ 2011/2012 წლების სეზონშიც თამაშობდა.
შეგახსენებთ, რომ „ტორპედოს“ თურქეთში ოთხი ამხანაგური მატჩი აქვს დაგეგმილი: 1 თებერვალს ჩვენი მეტოქე ყაზახური „ირტიში“ იქნება, 7 თებერვალს უნგრული „დებრეცენი“, ხოლო 10 თებერვალს – ბულგარეთის „ბოტევი“. კიდევ ერთ შეხვედრას ქუთაისელები 4 თებერვალს გამართავენ, ჯერჯერობით, სპარინგ-პარტნიორის ვინაობა არ დაზუსტებულა.
FCTorpedo.GE