თბილისის “დინამო” ანტალიაში გასამართ საერთაშორისო ტურნირზე მიიღებს მონაწილეობას, რომელიც სტარტს 31 იანვარს აიღებს. გათამაშებაში 8 გუნდი ჩაერთვება, რომლებიც 2 ჯგუფად დაიყოფიან. გამარჯვებული კი 20 000 ევროს მიიღებს.
თბილისური კლუბის გარდა ტურნირში მონაწილეობას მიიღებენ: “ლიტექსი” (ბულგარეთი), “შტურმი” (ავსტრია), “სტიაუა” (რუმინეთი), “სპარტა” (ჩეხეთი), “გიორ ეტო” (უნგრეთი), “მარიბორი” (სლოვენია) და “პარტიზანი” (სერბეთი).
მატჩების პირდაპირ ტრანსლაციას რუმინული ტელევიზია განახორციელებს. ორგანიზატორთა ინფორმაციით მონაწილეთა სიაში შესაძლოა გარკვეული ცვლილებები განხორციელდეს.