თურქეთში შეკრებაზე ცხინვალის “სპარტაკმა” პირველი ტესტ-მატჩი რუმინულ “კორონასთან” ჩაატარა. აღნიშნული გუნდი რუმინეთის უმაღლეს ლიგაში გამოკვეთილი აუტსაიდერია და 10 ქულით უკანასკნელ პოზიციას იკავებს.
შეხვედრას ლარას სტადიონმა უმასპინძლა, რომლის ტრიბუნებიც 1200 მაყურებელს იტევს. რუმინული გუნდის ვებ-გვერდის ცნობით, მატჩის პირველი ნახევარი თანაბარ ბრძოლაში წარიმართა, ხოლო მეორე ტაიმში უპირატესობას “კორონას” ფეხბურთელები დაეუფლნენ და შეხვედრაში ერთადერთი გოლიც გაიტანეს.
მომდევნო ტესტ-მატჩს “სპარტაკი” ხვალ, სერბულ „დონჟი სრემთან” გამართავს.