თბილისი “დინამო” ესპანელმა ლეგიონერებმა – ხოსე პერალესმა და ვიქტორ მონხილმა დატოვეს. თბილისური კლუბის ცნობით, მათ არსებული კონტრაქტი დაუსრულდათ.
“ესპანელ ლეგიონერებს – ხოსე პერალესსა და ვიქტორ მონხილს დინამოსთან არსებული კონტრაქტი დაუსრულდათ და კარიერას სხვა კლუბში გააგრძელებენ.
დინამო თბილისი მადლობას უხდის ჩვენს მეგობრებს თავდაუზოგავი შრომისთვის, საჩემპიონო სეზონისთვის და წარმატებას უსურვებს მომავალ კარიერაში”, – ვკითხულობთ “დინამოს” განცხადებაში.
ორივე ესპანელი “დინამოს” 2019 წლის იანვარში შეუერთდა. მეკარე პერალესმა საქართველოს ეროვნულ ლიგაში ჩატარებულ 35 მატჩი კარი მშრალად 15-ჯერ შეინახა. რაც შეეხება მონხილს, მან საქართველოს ჩემპიონატში 36 მატჩი ჩაატარა.