ეროვნული ლიგის 29-ე ტურში თბილისური დერბი შედგება. თბილისის “დინამო” თბილისის “ლოკომოტივს” მიიღებს და ორივე გუნდს სეზონის ბოლოს რადიკალურ განსხვავებული მიზნები აქვს. “ლოკომოტივის” ერთ-ერთმა ლიდერმა, თეიმურაზ შონიამ მატჩამდე მცირე კომენტარი გააკეთა.
“რთული თამაში გველის დინამოსთან, მცირე დრო იყო მოსამზადებლად და ნამდვილად სერიოზულად ვემზადებოდით. საერთოდ რთული კალენდარი გვაქვს. “დინამოს” შემდეგ “ტორპედოს’, შემდეგ საჩხერეს და შემდეგ ‘საბურთალოს” ვხვდებით. სულ მაღალ პოზიციებზე მყოფ კლუბებთან გვიწევს თამაში და თითოეულ ქულას დიდი მნიშვნელობა ექნება. მაქსიმალურად ვეცდებით, არ დავუშვათ ის, რაც “ტორპედოსთან” მოხდა”, – განაცხადა შონიამ.
თამაში 16:00 საათზე დაიწყება და Eliga.ge-ზე შეძლებთ ყურებას.