ფოთის “კოლხეთმა” მიმდინარე სეზონში მწვრთნელი მეოთხედ შეცვალა. გუნდში რუსი მენტორი ვიქტორ დემიდოვი დაბრუნდა. ინფორმაცია კლუბის პრეს-ატაშემ, გია ეჯიბიამ გაავრცელა. დემიდოვმა 8 სექტემბერს პირველი ვარჯიში გამართა.
დემიდოვი “კოლხეთს” პირველ 2 ტურში წვრთნიდა, მაგრამ არადამაკმაყოფილებელი შედეგის გამო, გაათავისუფლეს. მის შემდეგ, “კოლხებს” გალკინი, ლანდი და თვარაძე უძღვებოდნენ, თუმცა კლუბი 8 ქულით ბოლო ადგილზეა და ეროვნულ ლიგა 2-ში გავარდნის მთავარი კანდიდატია.
ნუგზარ თვარაძე, რომელიც მთავარი მწვრთნელის მოვალეობას ასრულებდა, კვლავ ასისტენტის პოზიციაზე გადაინაცვლებს.