ევროპის ლიგის პირველი საკვალიფიკაციო ეტაპზე წარუმატებლად გამოსვლის შემდეგ, თბილისის “დინამოს” მთავარმა მწვრთნელმა, კახა კაჭარავამ ჟურნალისტებთან ისაუბრა.
“პირველ ნახევარში თამაშს ვაკონტროლებდით, თუმცა მეორე ტაიმში ნერვიულობა შეგვეტყო. ფაქტობრივად, მეტოქეს გოლები ვაჩუქეთ. მცველებმა ცუდად ითამაშეს ბოლოს, რასაც გამოუცდელობას დავაბრალებდი. ჩემმა ბიჭებმა ბოლომდე იბრძოლეს და მათ ბრალს ვერ დავდებ.
მეტოქის სტილი იყო გრძელი პასები. ჩვენ მათ უნდა ავყოლილიყავით. თუმცა, უკვე მეორე ნახევარში ეს ვეღარ შევძელით. ჩემი მითითება იყო, რომ უპირატესობა არ უნდა დაგვეთმო. მეტოქემ ოთხჯერ დაარტყა კარში და არ ვიცი, ამას როგორ უნდა უწოდო უპირატესობა. ბიჭებთან ჯერ არ მისაუბრია. ისინი ღელავენ. ცივ გონებაზე ყველაფერს გავაანალიზებთ,” – ამბობს კაჭარავა.