დღეს ეროვნული ლიგის მე-14 ტურში, “ევგრაფი შევარდნაძეზე” სამტრედიის “სამტრედია” ქუთაისის “ტორპედოს” დაუპირისპირდა.
21-ე წუთზე ანგარიში მერაბ გიგაურმა გახსნა და “ტორპედო” დააწინაურა. ხოლო, 34-ეზე ლევან კუტალიამ საქართველოს მოქმედი ჩემპიონები ორბურთიანი უპირატესობით გაიყვანა წინ. 42-ე წუთზე ზაურ ხაბეიშვილმა ერთამდე შეამცირა სხვაობა. თუმცა, მეორე ნახევარში, 78-ე და 90+3 წუთებზე, ვიცე-ჩემპიონებს, შესაბამისად, ევგენი ბოხაშვილმა და გრიგოლ დოლიძემ გაუტანეს. საბოლოოდ, 1-4.
“სამტრედია” ცხრა ქულით ბოლო ადგილზეა. ხოლო, “ტორპედოს” 21 ქულა აქვს და მეხუთე პოზიციას იკავებს.