ჯაბა ლიპარტია სამშობლოში ბრუნდება და კარიერას ქუთაისის “ტორპედოში” გააგრძელებს. ამ ინფორმაციას იმერული კლუბის პრესსამსახური ადასტურებს. “ტორპედოსა” და 30 წლის ფეხბურთელს შორის საბოლოო შეთანხმება შედგა და ის გუნდს სამშაბათს შეუერთდება.
შეგახსენებთ, რომ ჯაბა ლიპარტიამ კარიერა თბილისის “ვიტ ჯორჯიაში” დაიწყო. 2010 წელს ის უკრაინაში გადაბარგდა და კარიერა ლუგანსკის “ზორიაში” გააგრძელა, რომლის ღირსებასაც 2017 წლის ივნისამდე იცავდა. ქართველმა შემტევმა ნახევარმცველმა სწორედ “ზორიას” მაისურით ითამაშა ევროპის ლიგის ჯგუფურ ეტაპზე. გასული წლის ზაფხულში ლიპარტია მახაჩყალის “ანჟიში” გადავიდა.