საქართველოს ეროვნულ ლიგა 2-ში გადანაცვლებულ ბათუმის “დინამოს” ახალი მთავარი მწვრთნელი ჰყავს. გუნდს გია გეგუჩაძე გაუძღვება.
“დიახ, ბათუმელთა ხელმძღვანელობასთან სიტყვიერი შეთანხმება მიღწეულია, შეგიძლიათ ჩათვალოთ, რომ ბათუმის “დინამოში” ვმუშაობ! ოფიციალურ კონტრაქტს დღეს – ხვალ გავაფორმებთ, საქმეს კი მომავალი კვირიდან შევუდგები. მთლიანად ბათუმური საფეხბურთო მეურნეობის სრულყოფილად გამართვაზეა სააუბარი – პირველი გუნდი, ასაკობრივი გუნდები, აკადემია, ბაზა, სტადიონი… მოკლედ, ყველაფერი ერთ სისტემაში მოექცევა და ვიმედოვნებ, ჩანაფიქრს მალე და ხარისხიანად შევასრულებთ”, – განაცხადა გეგუჩაძემ “ლიდერბეთთან” საუბრისას.