საქართველოს ფეხბურთის ფედერაციის ყოველწლიურ დაჯილდოვებაზე, სადაც სხვადასხვა ნომინაციაში წლის საუკეთესო ფეხბურთელები დასახელდნენ, ნახევარმცველის პოზიციაზე საუკეთესო გახდა “საბურთალოს” ფეხბურთელი გიორგი ხარაიშვილი.
კლუბის კაპიტანმა და 21-წლამდელთა ნაკრების ფეხბურთელმა შემდეგი განაცხადა: “სასიხარულოა, რომ აღნიშნულ ნომინაციაში გავიმარჯვე. ამავდროულად, საპასუხისმგებლო ტიტულია. მადლობა ამ ღონისძიების ორგანიზატორებსა და იმ ადამიანებს, ვინც საუკეთესოდ დამასახელა. ვეცდები გავამართლო მათი იმედები. მადლობა აღიარებისთვის და დაფასებისთვის.”
“მადლობა ჩემ საყვარელ “საბურთალოს”, სადაც მშვენიერი ატმოსფერო სუფევს და ყველანაირი პირობაა იმისა, რომ თავი ფეხბურთელად იგრძნო,” – ამბობს ხარაიშვილი.