3 დეკემბერს, საქართველოს ეროვნული ლიგა 2-ის ფლეი-ოფის განმეორებითი შეხვედრები გაიმართა. ლანჩხუთის “გურიამ” საკუთარ მოედანზე “თელავი” მიიღო და ფრედ 1:1 ითამაშა. იქიდან გამომდინარე, რომ თელაველებმა პირველი მატჩში ანგარიშით 2:1 გაიმარჯვეს, მათ ეროვნულ ლიგა 2-ში თამაშის უფლება მოიპოვეს.
შეხვედრის 88-ე წუთზე, როდესაც ანგარიში 1:1 იყო, კახელთა საჯარიმოში თამაშის წესების დარღვევა დაფიქსირდა და პენალტი დაინიშნა. თერთმეტმეტრიანის გამოყენების შემთხვევაში გურულები თამაშის დამატებით ტაიმებში გადაყვანას შეძლებდნენ. თუმცა, მეგრელიშვილმა დარტყმა ცუდად შეასრულა, მეკარე ლუკა სანიკიძემ კი ბურთი ხელებში დაიჭირა.