როგორც მოგეხსენებათ, უკვე დასრულდა საქართველოს რანგით მეორე დივიზიონი, სადაც ჩემპიონობა რუსთავის “რუსთავმა” მოიპოვა და შემდეგი სეზონიდან ისინი ეროვნულ ლიგა 1-ში იასპარეზებენ.
ასევე ცნობილი გახდა ეროვნულ ლიგა 2-ის საუკეთესო ფეხბურთელისა და მთავარი მწვრთნელის ვინაობა. არავის გაუკვირდება, რომ საუკეთესო ფეხბურთელად დათა სიჭინავა დასახელდა, რომელიც 30 გოლით ასევე საუკეთესო გოლიადორიც გახდა. “რუსთავის” კაპიტანმა მის მდევრებს დიდი სხვაობით გაასწრო. სიჭინავა ჯარიმების უბადლო შემსრულებელი და გუნდის ერთ-ერთი ლიდერია.
რაც შეეხება საუკეთესო მწვრთნელის ნომინაციას, ის ასევე “რუსთავის” წარმომადგენელს, ვარლამ კილასონიას გადაეცა, რომლის ხელმძღვანელობითაც კლუბმა მიმდინარე სეზონში საუცხოოდ იასპარეზა და 83 ქულით გათამაშების გამარჯვებულიც გახდა.