საქართველოს დავით ყიფიანის სახელობის თასის ფინალი 2 დეკემბერს გორში, თენგიზ ბურჯანაძის სახელობის სტადიონზე გაიმართება.
შეხვედრა 15:15 საათზე დაიწყება და მის პირდაპირ რეპორტაჟს საზოგადოებრივი მაუწყებელი შემოგთავაზებთ.
საქართველოს ფეხბურთის ფედერაციის ახალი ინიციატივის მიხედვით, უკვე ზედიზედ მესამე სეზონია, რაც თასის ფინალი თბილისს გარეთ, რეგიონში ტარდება – გორამდე მსგავსი პატივი ქუთაისსა და ზესტაფონს ერგოთ.
GFF.GE