დღეს დავით ყიფიანის სახელობის საქართველოს თასის 1/2 ფინალური შეხვედრები გაიმართა.
ერთ-ერთ მატჩში ქუთაისის, რამაზ შენგელიას სახელობის სტადიონზე “ტორპედო” თბილისის “დინამოს” დაუპირისპირდა. დაძაბული შეხვედრის ძირითადი დრო ფრედ, 0-0 დასრულდა. გოლი ვერც დამატებით დროში გავიდა. შესაბამისად, დაინიშნა თერთმეტმეტრიანი დარტყმები.
საგულისხმოა, რომ პირველი ორი დარტყმა ორივე გუნდმა გამოიყენა. თუმცა, შემდეგ შულაიამ და გურულმა თითო-თითო პენალტი გააცუდეს. საბოლოოდ, გადამწყვეი ფაზა იყო ის, როცა დავით კობოურმა თერთმეტმეტრიანი ვერ გამოიყენა, ვაჟა ტაბატაძემ კი გამარჯვების გოლი შეაგდო. შესაბამისად, თერთმეტმეტრიანების სერია ანგარიშით, 5-4 დასრულდა და “ტორპედო” თასის ფინალში გავიდა.