გიორგი ბერიაშვილმა “სამტრედია” დატოვა. ამის შესახებ იმერელთა ოფიციალური გვერდი იტყობინება.
ბერიაშვილი 2017 წლის ზამთარში მივიდა აღნიშნულ გუნდში. დღეს კი ურთიერთშეთანხმების საფუძველზე თავდამსხმელი კლუბიდან წავიდა.
სამტრედიელთა 11-მა ნომერმა თავი ჯერ კიდევ “სუპერ თასის” შეხვედრაში გამოიჩინა, სწორედ მისი გოლი აღმოჩნდა გადამწყვეტი “ტორპედოსთან” დაპირისპირებაში.
ეროვნული ლიგის მე-11 ტურში ბერიაშვილმა დუბლიც გაიფორმა და სამტრედიას კვლავ გამარჯვება მოუტანა. მე-14 ტურში მორიგი გოლი “საბურთალოს” კარში, ხოლო მე-15 ტურში თავდამსხმელმა “ტორპედოს” კიდევ ერთი გოლი გაუტანა.
Fcsamtredia.Com