დღეს ეროვნული ლიგის მე-14 ტურის შეხვედრები იმართება.
ერთ-ერთი მატჩი სამტრედიაში, ეროსი მანჯგალაძის სახელობის სტადიონზე ჩატარდა. იგი მასპინძელთა უპირატესობით წარიმართა. მეცხრე წუთზე გიული მანჯგალაძემ გახსნა ანგარიში. ათ წუთში ნიკა სანდოხაძემ ორამდე გაზარდა სხვაობა.
მეორე ნახევარში გიორგი ფანცულაიამ 52-ე წუთზე შეძლო ერთი ბურთის გაქვითვა. ხუთ წუთში კი გიორგი ბერიაშვილმა “სამტრედიას” ორბურთიანი სხვაობა კვლავ აღადგინა. თუმცა, 65-ე წუთზე ამ უკანასკნელმა ავტოგოლი გაიტანა. მატჩის მიწურულს სანდოხაძეს თერთმეტმეტრიანიდან ჰქონდა გატანის შანსი, თუმცა მან ეს ვერ გამოიყენა.
საბოლოოდ, “სამტრედიამ” ანგარიშით, 3:2 მოიგო, 26 ქულა დაუგროვდა და ახლა მესამე პოზიციაზეა. “საბურთალო” 19 ქულით მეექვსეზეა.