1981 წლის 13 მაისს თბილისის “დინამო” უეფას თასების მფლობელთა თასს დაეუფლა. მაშინდელი გერმანიის ფედერაციული რესპუბლიკის ქალაქ დიუსელდორფში ქართველმა ფეხბურთელებმა გერმანიის დემოკრატიული რესპუბლიკის ერთ-ერთი უძლიერესი კლუბი იენის ”კარლ ცაისი” დაამარცხეს – 2:1. ვლადიმერ გუცაევისა და ვიტალი დარასელიას გოლები ოქროს ასოებით ჩაიწერა ქართული ფეხბურთის ისტორიაში, “დინამო” კი გახდა ყველაზე აღმოსავლეთევროპული კლუბი ევროტურნირების ისტორიაში, რომელიც ევროთასს დაეუფლა.