თბილისის “ლოკომოტივი” წინასასეზონო სამზადისს თურქეთში გადის.
დღეს დედაქალაქურმა გუნდმა უკრაინული “დნიპროს” წინააღმდეგ გამართა სპარინგ-მატჩი. შეხვედრა დაძაბული გამოდგა და გარდამავალი უპირატესობით წარიმართა. ქართველებმა მეტოქის კარში ორი ბურთის გატანა შეძლეს. მათი ავტორები რეხვიაშვილი და უბილავა არიან. უკრაინელებმა კი ერთხელ აიღეს ქურდაძის კარი.
საბოლოოდ, ჩვენებმა “დნიპრო” ანგარიშით, 2-1 დაამარცხეს.
“ლოკომოტივი”: ქურდაძე, უბილავა, რეხვიაშვილი, გაბაძე, ღონღაძე, ჭანტურია, კობახიძე, კიკაბიძე, სამურკასოვი, ქავთარაძე, სიხარულიძე.
მთავარი მწვრთნელი: გიორგი დევდარიანი.