საქართველოს ჩემპიონმა, “სამტრედიამ” მორიგი ტრანსფერი განახორციელა – ამიერიდან კლუბის ღირსებას ბაჩო მიქავა დაიცავს.
23 წლის მეკარე ბოლოს ტყიბულის “მეშახტეში” გამოდიოდა, იქამდე კი თბილისის “ლოკომოტივსა” და ქუთაისის “ტორპედოში” უთამაშია. მიქავა საქართველოს 17, 19 და 21-წლამდელთა ნაკრებების წევრიც იყო.
შეგახსენებთ, რომ “სამტრედია” დაჩი ცნობილაძემ, ლაშა შერგელაშვილმა და კახა მეშველიანმა დატოვეს. ბუდუ ზივზივაძეს კარიერის უცხოეთში გაგრძელების ვარიანტი აქვს, თუმცა მას გადაწყვეტილება ჯერ არ მიუღია.
* ფოტო: ს.კ. ლოკომოტივი