საქართველოს ეროვნული ნაკრები იანვარში ორ ამხანაგურ შეხვედრას ჩაატარებს. ვლადიმერ ვაისმა ამ მატჩებისთვის ქუთაისის “ტორპედოდან” 2 ფეხბურთელს უხმო.
პირველი მოთამაშე მეკარე, როინ კვასხვაძეა. 27 წლის მეკარე 2008 წლიდან ირიცხება ეროვნულ გუნდში.
რაც შეეხება მეორე სპორტსმენს, ეს იმავე ასაკის ნახევარმცველი, ბექა ტუღუშია. ბექას აქამდე არასდროს არ უთამაშია ჩვენს ნაკრებში.
ეროვნული გუნდი 16 იანვარს თბილისში შეიკრიბება. ქართველები 23 და 25 იანვარს დუბაიში ორ ამხანაგურ მატჩს უზბეკეთისა და იორდანიის წინააღმდეგ ჩაატარებენ.