საჩხერის “ჩიხურასა” და “სამტრედიას” შორის საჩემპიონო პლეი-ოფის განმეორებითი მატჩის (2:2) მიმდინარეობისას ტრიბუნაზე გუნდების ქომაგებს შორის შელაპარაკება მოხდა. “სამტრედიას” ერთ-ერთმა ფანმა მარტვილის “მერანის” ძახილი დაიწყო, რომელმაც საქართველოს თასის ნახევარფინალში “ჩიხურა” ანგარიშით 3:0 დაამარცხა. ამან საჩხერელთა გაღიზიანება გამოიწვია, რის შემდეგაც ტრიბუნაზე სიტყვიერი დაპირისპირება დაიწყო. “ბურას” რომ გავაგდეთ და ამაყები რომ იყავით, ამას რატომ არ ღრიალებ”, – იყო რეპლიკა საჩხერელთა მხრიდან. დაძაბული ვითარება რამდენიმე წუთში განიმუხტა.