4 დეკემბერს, “დინამო არენაზე” უმაღლესი ლიგის პლეი-ოფის განმეორებითი შეხვედრა გაიმართება: “დინამო” “საბურთალოს” წინააღმდეგ. პირველი მატჩი ამ გუნდებს შორის ნულოვანი ფრით დასრულდა.
მასპინძელთა ერთ-ერთმა ლიდერმა, გიორგი პაპუნაშვილმა წინასამატჩო კომენტარი გააკეთა.
“ევროპის საკვალიფიკაციოზე უნდა გავიდეთ. ამისთვის კი ხვალ უნდა მოვიგოთ. ეს იქნება ჩვენი ხვალინდელი მიზანი. სხვა შანსი არაა. უფრო მეტად აგრესიულები უნდა ვიყოთ და ვიზრუნოთ ბურთი ჩვენი იყოს. ვფიქრობ, პირველ შეხვედრაში საბურთალოსთან, ეს აგრესია დაგვაკლდა. ის თამაში გამოვტოვე. ხვალ კი შევეცდები ჩემი წვლილი შევიტანო დინამოს გამარჯვებაში,” – განაცხადა “დინამოელმა”.