“გურიამ”თეთრი ჯგუფის ლიდერ “ჩიხურას”საჩხერეში მოუგო

დღეს უმაღლესი ლიგის მეექვსე ტურის შეხვედრები გაიმართა.

თეთრ ჯგუფში, “ივანწმინდა არენაზე” ერთმანეთს “ჩიხურა” და ლანჩხუთის “გურია” დაუპირისპირდნენ. მატჩში ანგარიში სტუმრებმა გახსნეს. მე-16 წუთზე მურაშოვმა პენალტი გამოიყენა და “გურია” წინ გაიყვანა. ზუსტად 17 წუტში იმავე მოტამაშემ ორამდე გაზარდა სხვაობა.

მეორე ნახევარში სოსო ფრუიძის გუნდი ცდილობდა ფრეს მაინც მიეღწია. მათ 85-ე წუთზე ერთი გოლის გაქვითვა შეძლეს. ამ შემთხვევაში მეტოქის კარი ლობჟანიძემ აიღო. ამის შემდეგ, მასპინძლები აქტიურად უტევდნენ, მაგრამ ვერაფერი მოახერხეს. საბოლოოდ, მატჩი, ანგარიშით, 1:2 დასრულდა.

ამ შეხვედრის შემდეგ “ჩიხურას” 10 ქულა აქვს და, ჯერჯერობით, პირველ ადგილზეა. ხოლო, გურულებს კი 8 ქულა აქვთ და მეოთხე პოზიციაზე იმყოფებიან.