ქუთაისის “ტორპედოს” აწ უკვე ყოფილი ფეხბურთელი გიორგი კუხიანიძე კარიერას თბილისის “ლოკომოტივში” გააგრძელებს.
აღნიშნულ ინფორმაციას “ლოკომოტივის” ოფიციალური ვებ-გვერდიც ადასტურებს. ცნობილია, რომ 23 წლის ნახევარმცველი ახალ გუნდში 8-ნომრიან მაისურს მოირგებს.
ინფორმაციისთვის გეტყვით, რომ გიორგი კუხიანიძემ გასულ სეზონში “ტორპედოს” მაისური 27-ჯერ მოირგო. მის ანგარიშზე 9 გოლი და 4 საგოლე გადაცემაა.