თბილისის “დინამოს” მთავარმა მწვრთნელმა, იურაი იარაბეკმა განაცხადა, რომ გიორგი ქვილითაია ზაგრების “დინამოსთან” განმეორებით შეხვედრაში მონაწილეობას ტრავმის გამო ვერ მიიღებს.
ასევე, იარაბეკის თქმით, ქართველი თავდამსხმელი ავსტრიულ კლუბში სამედიცინო შემოწმებას მალე გაივლის.
“გიორგი ქვილითაიას ტრავმა აქვს, ამიტომ ის ხვალ თამაშს ვერ შეძლებს. შემიძლია, გითხრათ, რომ ის ვენის “რაპიდში” სამედიცინო შემოწმებას მალე გაივლის”, – განაცხადა სლოვაკმა სპეციალისტმა.