ჯაბა დვალი „საპოვნელაში“ გადადის

გამოცდილი ქართველი თავდამსხმელი ჯაბა დვალი კარიერიას უმაღლესი ლიგის ბოლოსწინა ადგილზე მყოფ თერჯოლის „საპოვნელაში“ გააგრძელებს. აღნიშნული ინფორმაცია კლუბის ოფიციალურმა „ფეისბუქის“ გვერდმაც დაადასტურა.

სათქმელია, რომ მიმდინარე სეზონის დაწყების წინ 30 წლის ფორვარდი „საბურთალოს“ შეუერთდა. უმაღლესი ლიგის დებიუტანტის მაისურით 8 ჩატარებულ მატჩში მან 2 გოლის გატანა მოასწრო.

„საბურთალოს“ გარდა, სხვადასხვა პერიოდში დვალი თბილისის „დინამოს“, ბოლნისის „სიონის“, საჩხერის „ჩიხურას“, რუსთავის „მეტალურგის“, „ზესტაფონის“, რუმინული „დაჩიას“ და აზერბაიჯანული „ყარაბახის“ შემადგენლობაში გამოდიოდა.