თბილისის „დინამოს“ პრეზიდენტი რომან ფიფია საქართველოს ფეხბურთის ფედერაციის პრეზიდენტის პოსტიდან ზვიად სიჭინავას გადადგომას გამოეხმაურა.
„მადლობა მინდა გადავუხადო, ზვიად სიჭინავას გასული წლებისთვის და იმ სამუშაოსთვის, რაც მან ფეხბურთის ფედერაციის პრეზიდენტობისას გასწია. თბილისში გამართული სუპერთასის წარმატებულად ჩატარება სწორედ ზვიად სიჭინავას სახელს უკავშირდება. გულწრფელად ვისურვებდი, რომ ამ ადამიანის შრომა და ამაგი დაუფასებელი არ დარჩენილიყოს. წარმატებას ვუსურვებ მას მომავალ საქმიანობაში“, – ციტირებს ფიფიას „დინამოს“ ოფიციალური გვერდი.