როგორც გაირკვა, საქართველოს 2015 წლის სუპერთასი 25 აგვისტოს შედგება. აღნიშნული თარიღი უკვე საბოლოოდ დადასტურდა.
წელს სუპერთასი მიხეილ მესხის სახელობის სტადიონზე ბრუნდება. შეგახსენებთ, რომ გასული სეზონის სუპერთასი „დინამო არენაზე“ შედგა. აღსანიშნავია მატჩის ჩატარების თარიღიც – მოგეხსენებათ, წინა წლებში საქართველოს სუპერთასი ზამთარში ტარდებოდა.
შეგახსენებთ, რომ 2014/15 წლების სეზონის საქართველოს ჩემპიონატი გორის „დილამ“ მოიგო, ქვეყნის თასის გათამაშებაში კი საუკეთესო სუპერთასის მოქმედი მფლობელი, თბილისის „დინამო“ გახდა.