თურქულ შეკრებაზე მყოფი გორის ,,დილა“ 7 ივლისს მორიგ ამხანაგურ შეხვედრას თურქულ,,ალანიასპორტთან“ გამართავს, რომელიც თურქეთის პირველ ლიგაში მესამე ადგილზე გავიდა, თუმცა უმაღლესში გადამსვლელთა პლეი-ოფში დამარცხდა. შეხვედრა თბილისის დროით 19:00 საათზედაიწყება.
როგორც მოგეხსენებათ, ჩემპიონთა ლიგის მეორე საკვალიფიკაციო რაუნდისთვის ,,დილა“ მზადებას ქალაქ აფიონში განაგრძობს. აღსანიშნავია, რომ ჩვენმა გუნდმა ორი ვარჯიში აფიონ არენაზეც ჩაატარა.
ლუცკის ,,ვოლინთან“ გამართული ამხანაგური შეხვედრის შემდეგ, გორელებმა მეორე დღეს მხოლოდ ერთხელ ივარჯიშეს. 6 ივლისს კი უჩა სოსიაშვილმა შეგირდები ორჯერ ავარჯიშა. შეგახსენებთ, რომ 14 ივლისს გორის „დილა“ ჩემპიონთა ლიგის მეორე საკვალიფიკაციო ეტაპის პირველ შეხვედრას სერბეთში, ბელგრადის ,,პარტიზანის“ წინააღმდეგ გამართავს.
„დილას“ პრესსამსახური