„ცხინვალმა“ სომხეთში მოიგო

„ცხინვალი“ რამდენიმე დღის განმავლობაში სომხეთში იმყოფებოდა, სადაც ევროპის ლიგის პირველი საკვალიფიკაციო ეტაპის ორრაუნდიანი დაპირისპირებსითვის ემზადებოდა. შეგახსენებთ, რომ კახა კაჭარავას გუნდის მეტოქე რუმინული „ბოტოშანი“ იქნება.

დღეს ცხინვალელებმა ერევნულ „პიუნიკთან“ ამხანაგური მატჩი გამართეს და ანგარიშით 1:0 გაიმარჯვეს. ერთადერთი გოლი შეხვედრის 51-ე წუთზე გიორგი ივანიშვილმა გაიტანა.

„პიუნიკი“ – „ცხინვალი“ 0:1
გოლი: ივანიშვილი 51′

გაფრთხილებები: აროიანი 31′, იუსპაშიანი 39′, პოგოსიანი 80′ – კაჭარავა 21′, კაკუბავა 44′

როგორც გუშინ „ცხინვალის“ თავდამსხმელმა ნიკა კაჭარავა გვიამბო, გუნდი თბილისში დღესვე დაბრუნდება და „ბოტოშანთან“ სათამაშოდ მომზადებას გააგრძელებს. 

ცნობისთვის, „ბოტოშანსა“ და „ცხინვალს“ შორის პირველი მატჩი რუმინეთში ორ ივლისს გაიმართება.