მოგეხსენებათ, გუშინ ევროპის ლიგის პირველი საკვალიფიკაციო ეტაპის კენჭისყრა შედგა, რომლის შემდეგ ქართული კლუბების მეტოქეთა ვინაობა გაირკვა. „ცხინვალის“ მეტოქე რუმინული „ბოტოშანი“ აღმოჩნდა.
წილისყრის შემდეგ, Fanebi.Com-თან მეტოქეზე, გუნდის ახალწვეულებზე და “ცხინვალის” მიზნებზე, ქართული კლუბის კაპიტანმა, გიორგი ნადირაძემ ისაუბრა.
“პირველ რიგში, კენჭისყრით კმაყოფილი ვარ, იმიტომ, რომ სავარაუდო მეტოქეებიდან საშუალო სიძლიერის გუნდი შეგვხვდა. რაც შეეხება “ბოტოშანს”, ჩვენთვის ცნობილია, რომ მათ ჩემპიონატი მე-8 ადგილზე დაასრულეს და ამ გუნდის არცერთი ფეხბურთელი ეროვნულ და ასაკობრივ ნაკრებში არ ირიცხება. “ცხინვალის” მიზანი, რაც შეიძლება მეტი ეტაპის გადალახვაა. გვსურს, მსოფლიოს დავანახოთ, რომ ცხინვალი საქართველოა. რაც შეეხება გუნდს, რამდენიმე ახალი ფეხბურთელით გავძლიერდით და პლეი-ოფისთვის ვემზადებით”.