ბათუმის “დინამოს” ნახევარმცველმა თეიმურაზ შონიამ კლუბის ოფიციალურ ვებგვერდთან უეფას ევროპალიგის წილისყრის შედეგებზე ისაუბრა.
შეგახსენებთ, რომ ბათუმელები პირველ საკვალიფიკაციო ეტაპზე ურთიერთობას კვიპროსულ “ომონიასთან” გაარკვევენ.
“განთესილთა კალათიდან ერთ-ერთი ურთულესი მეტოქე შეგხვდა, მაგრამ არ ვაპირებთ დანებებას. ჩვენ ვიბრძოლებთ და შედეგიც აუცილებლად მოვა. ჩვენს გულშემატკივრებს ვპირდებით, რომ ბოლომდე ვიბრძოლებთ” – განაცხადა შონიამ.
“დინამოსა” და “ომონიას” პირველი მატჩი 2 ივლისს ზესტაფონის ცენტრალურ სტადიონზე გაიმართება.