ნიონში მართული ევროპის ლიგის წილისყრის შედეგად გაირკვა, რომ თბილისის “დინამოს” პირველ ეტაპზე აზერბაიჯანის ჩემპიონატის ბრინჯაოს პრიზიორი, “გაბალა” დაუპირისპირდება. მეტოქის შესახებ კომენტარი დინამოელთა მთავარმა მწვრთნელმა, გია გეგუჩაძემ გააკეთა
“ცოტა ხნის წინ შევიტყვეთ ჩვენი მოწინააღმდეგის შესახებ. ევროპა ლიგის პირველ ეტაპზე დინამოს მეტოქე აზერბაიჯანული გაბალა იქნება. ვიცით, რომ დასრულებულ ჩემპიონატში ეს გუნდი მესამე ადგილზე გავიდა. შემიძლია ვთქვა, რომ ბოლო პერიოდში აზერბაიჯანულმა ფეხბურთმა დიდი პროგრესი განიცადა და აქედან გამომდინარე მათი მესამეადგილოსანი გუნდი ნამდვილად არ იქნება იოლი მოწინააღმდეგე. ვიცით, რომ ოპონენტს ახალი მწვრთნელი ჰყავს და ახალი ფეხბურთელებითაც გაძლიერდა. დავიწყებთ დაწვრილებითი ინფორმაციის მოპოვებას, ხოლო უფრო კონკრეტული და ნათელი სურათი მეტოქის სიძლიერის შესახებ ამის შემდეგ გვექნება” – განაცხადა გეგუჩაძემ.