11 მაისს, მეორე ლიგის დასავლეთ ზონაში ქუთაისის სტადიონზე ბაღდათის “საირმესა” და ვანის “სულორს” შორის გამართულ შეხვედრას 4 000 მაყურებელი დაესწრო. აღსანიშნავია, რომ ამ გუნდების მატჩი 5 მაისს 67-ე წუთზე ჩაიშალა.
ქუთაისში დანიშნული გადათამაშება კი “სულორის” გამარჯვებით, 5:1 დასრულდა, რითაც ვანელებმა პირველ ლიგაში დაბრუნების შანსი შეინარჩუნეს. ამჟამად მეორე ლიგის დასავლეთ ზონას ვანელები ხონის “იმერეთთან” ერთად ლიდერობენ.