26 ნოემბერს, დავით ყიფიანის სახელობის ეროვნული თასის განმეორებითი 1/8 ფინალური მატჩებიდან ერთ-ერთი ქუთაისის ცენტრალურ სტადიონზე შედგება, სადაც ადგილობრივი ს. კ. „ტორპედო“ მარტვილის „მერანს“ დახვდება. თამაში, რომელზეც დასწრება გულშემატკივრებს უფასოდ შეეძლებათ, 13:30 საათზედაიწყება.
მოგეხსენებათ, გუნდების პირველი ურთიერთშეხვედრა 17 ნოემბერს სამტრედიაში „ტორპედოს“ სამბურთიანი გამარჯვებით – 3:0 დასრულდა. ქუთაისელთაგან დუბლი თენგიზ ჩიკვილაძემ შეასრულა, ერთხელ კი თავი ვაჟა ტაბატაძემაც გამოიჩინა. გთავაზობთ ამ მატჩის პროტოკოლს -http://fctorpedo.ge/index.php?geo&game=261
აღსანიშნავია, რომ „ტორპედოსთან“ მარცხის შემდეგ ჩვენმა მომდევნო მეტოქემ ჩემპიონატში ფოთის „კოლხეთთან“ ითამაშა ფრედ(0:0) და სატურნირო ცხრილში მე-7 პოზიციამდე ჩამოქვეითდა.
ცნობილია მსაჯთა ბრიგადა, რომელიც დამდეგ ქუთაისურ მატჩს მოემსახურება: არბიტრი დავით სანოძე(ხონი) იქნება, რომელსაც დაეხმარებიან „გვერდითები“: დავით ჩიგოგიძე(სამტრედია) და ალექსანდრე ჟივიძე, სათადარიგო მსაჯის ფუნქციებს კი გიორგი ავაზაშვილი(ყვარელი) შეასრულებს.
მაშასადამე, რევაზ ძოძუაშვილის შეგირდებს, რომლებმაც, შეგახსენებთ, თასის 1/6 ფინალში ხარაგაულის „ჩხერიმელას“ აჯობეს, „მერანთანაც“ მართებთ დაწყებული საქმის ბოლომდე მიყვანა. მით უმეტეს, რომ პირველ თამაშში მიღწეული უპირატესობა ამის საშუალებას არცთუ რთულად იძლევა.
FCTorpedo.GE