საქართველოს ნაკრების ყოფილი მცველი ზურაბ ხიზანიშვილი კარიერას თბილისის “დინამოში” გააგრძელებს. აღნიშნული ინფორმაცია ფეხბურთელმა თავად დაადასტურა.
შეგახსენებთ, რომ ხიზანიშვილის “სიონში” გადასვლა ფაქტობრივად გადაწყვეტილი იყო, თუმცა საბოლოოდ გამოცდილმა მცვლემა “დინამოს” წინადადება მიიღო და მომავალიც ამ კლუბს დაუკავშირა.
“დინამომ” უმაღლეს ლიგაში კარგი სტარტის შემდეგ გასულ ტურში რუსთავის “მეტალურგთან” 3:0 წააგო.