დიდი შანსია, საჩხერის “ჩიხურას” ფეხბურთელმა თორნიკე მუმლაძემ ევროპის ლიგის მესამე საკვალიფიკაციო ეტაპის პირველი შეხვედრა გამოტოვოს.
შეგახსენებთ, რომ თბილისში, “ბურსასპორის” წინააღმდეგ გამართული თერთმეტმეტრიანების სერიაში, ბოლო პენალტი სწორედ მუმლაძემ გაიტანა, რომელიც ზუსტი დარტყმის შემდეგ მეტოქე გუნდის ქომაგების ტრიბუნისაკენ გაიქცა.
როგორც ჩვენთვის ცნობილი გახდა, თურქულმა კლუბმა უეფას მუმლაძის ამ საქციელის გამო უკვე მიმართა. ევროპული ფეხბურთის მმართველი ორგანიზაცია ინციდენტს მალევე შეისწავლის და სავარაუდოდ, მუმლაძეს “ნეფთჩის” წინააღმდეგ თამაშის უფლებას არ მისცემენ.